Neighbourhood of the Gods / Goðahverfið

Í kringum Skólavörðuholtið eru 15 götur sem sækja nöfn í norræna goðafræði. Hverfið er stundum kallað „goðahverfið" og eru dæmi þess að verslanir á svæðinu hafi notað það nafn í auglýsingum sínum. Á tímabili gerðu borgaryfirvöld líka tilraun til að nefna hverfið Asgarð en sú nafngift varð ekki lífseig. Óðinsgata var fyrsta gatanlþessum hópi, enda er hinn eineygði og fróðleiksfúsi Óðinn jafnan talinn æðstur guðanna í Asgarði. Gatan fékk nafn sitt árið 1906 og markaði stefnu fyrir fleiri nafngiftir í hverfinu næsta aldarfjórðunginn., Helstu heimildir okkar um heiðna norræna heimsmynd eru Edda Snorra Sturlusonar og Eddukvæði. Konungsbók Eddukvæða er elsta varðveitta handritið sem færir okkur kvæðin í samfelldri mynd. Þetta einstaka handrit er varðveitt hér í Reykjavík. Í Snorra-Eddu er safnað saman fróðleik úr kvæðunum og fieiri heimildum og er þar að finna gagnorðar lýsingar á helstu guðum og gyðjum. Nirði, sem Njarðargata er nefnd eftir, er bar lýst svo:, „Hann býr á himni þar sem heitir Nóatún. Hann ræður fyrir göngu vinds og stillir sjá og eld. Á honn skal heito til sæfara og veiða.", Ekki lítur út fyrir að götunum hafi verið ætlað að vísa til tiltekinna goðsagna en það má þó telja merkingarbært að Baldursgata og Nönnugata, sem vísar til Nönnu eiginkonu Baldurs, skuli mætast. Með svipuðum hætti er vart tilviljun að Válastígur og Haðarstígur liggi samhliða Baldursgötu. Höður hinn blindi og Váli eru bræður Baldurs. Sá fyrrnefndi ber óbeint ábyrgð á dauða hins hvíta áss en sá síðarnefndi hefnir Baldurs með því að ráða Höd af dögum. Athyglisvert er að nokkur stærri goðmögn komast ekki á borgarkortið, þeirra á meðal Frigg, Sif og Heimdallur. Hins vegar er Heimdalsgade að finna í Kaupmannahöfn, Friggagatan er í Gautaborg og á plánetunni Venus er eldfjall sem ber nafn Sifjar.